எமது  பிரதேச தகவல்கள்

தென் மாகாணத்தில் காலி மாவட்டத்தின் பத்தொன்பது பிரதேச செயலாளர் பிரிவுகளில் போபே போத்தல பிரதேச செயலாளர் பிரிவு ஒரு தனித்துவமான பிரிவாகும். மாவட்டத்தின் நிலப்பரப்பில் இரண்டு சதவீதத்தை (2%) ஆக்கிரமித்துள்ள இந்தப் பிரிவு, முப்பத்தைந்து தசம் ஆறு (35.6) சதுர கிலோமீட்டர் பரப்பளவையும், மூவாயிரத்து ஐநூற்று அறுபது (3,560) ஹெக்டேயர் நிலப்பரப்பையும் கொண்டுள்ளது.

அக்மீமன தேர்தல் பிரிவின் மேற்குப் பகுதியில் அமைந்துள்ள போபே போத்தல பிரதேச செயலகப் பிரிவு, வடக்கு மற்றும் வடகிழக்கில் பத்தேகம பிரதேச செயலகப் பிரிவு மற்றும் ஜிங்கங்கையையும், கிழக்கு மற்றும் தென்கிழக்கில் அக்மீமன பிரதேச செயலகப் பிரிவையும், தெற்கு மற்றும் மேற்கில் கடவத் சதர பிரதேச செயலகப் பிரிவையும் எல்லைகளாகக் கொண்டுள்ளது.

இது 6-3 மற்றும் 5-7 டிகிரி வடக்கு அட்சரேகைக்கும் 80-11-15 டிகிரி கிழக்கு தீர்க்கரேகைக்கும் இடையில் அமைந்துள்ளது. தென்மேற்கு தாழ்நிலங்களின் சிறப்பியல்பான இந்தப் பிரிவின் காலநிலை இருபத்தி ஏழு புள்ளி மூன்று ஒன்று (27.31) டிகிரி சென்டிகிரேட் ஆகும், தென்மேற்கு பருவமழையிலிருந்து பெரும்பாலான மழைப்பொழிவு பெற்று கொள்ள ப்படுகின்றது.

நாற்பத்து நான்கு கிராம அலுவலர் பிரிவுகளின் முக்கிய நிர்வாக மையமாக போபே போத்தல பிரதேச செயலகம் செயல்படுகிறது. லபுதுவ அரசு பண்ணை, திறந்த பல்கலைக்கழகம், சிறிதம்மா கல்லூரி, லபுதுவ உயர் தொழில்நுட்ப நிறுவனம், விவசாயக் கல்லூரி, விவசாய சேவை மையம், தென்னை மேம்பாட்டு வாரியம், பொறியியல் பீடம், ருஹுணு மருத்துவ பீடம், ருஹுணு (தனியார்) மருத்துவமனை, தட்சிணபாய மாகாண அமைச்சக வளாகம், அரச கால்நடை அலுவலகம், சிறு ஏற்றுமதி விவசாயத் துறை போன்ற பல முக்கிய நிறுவனங்கள் இந்தப் பிரதேச செயலகப் பிரிவில் அமைந்துள்ளன. காலி பிரதான மகப்பேறு மருத்துவமனையும் இந்தப் பிரதேச செயலகப் பிரிவில் கட்டுமானப் பணிகளில் உள்ளது.

இந்தப் பிரதேச செயலகப் பிரிவில் விவசாயம் மற்றும் பிற பயிர்ச் செய்கைகளை நோக்கும் போது பெரும்பாலான நிலம் விவசாயத்திற்காகப் பயன்படுத்தப்படுகிறது. மேலும் நெல், தேங்காய், ரப்பர், காய்கறிகள், பழங்கள் மற்றும் சிறு ஏற்றுமதி பயிர்களும் பயிரிடப்படுகின்றன.

2018 ஆம் ஆண்டில், மொத்த மக்கள் தொகை 54377 ஆக இருந்தது, இதில் பெண்களின் எண்ணிக்கை அதிகமாக இருந்தது. இது 28337. (52.11%) மற்றும் ஆண்களின் எண்ணிக்கை 26040 (48.89%) என அறிக்கை இடப்பட்டுள்ளது. 2018 மக்கள் தொகை கணக்கெடுப்பின்படி, இந்தப் பிரிவின் மக்கள் தொகை ஒரு சதுர கிலோமீட்டருக்கு 1527 ஆக இருந்தது.

பிள்ளைகளின் கல்விக்காக 14 பாடசாலைகளும், 19 அறநெறி பாடசாலைகளும் , 36 சிறுவர் முன்பள்ளிகளும் இந்தப் பிரதேச செயலகப் பிரிவில் அமைந்துள்ளன.

அரச மற்றும் தனியார் துறைகளில் பணிபுபவர்களும், கொத்து வேலை, தச்சு வேலை, எலக்ட்ரீஷியன்கள்,  ஆட்டோமொபைல் மெக்கானிக்கள், மர வேலைப்பாடு செய்பவர்கள் போன்ற பல்வேறு துறைகளில் சுயதொழில் செய்பவர்கள் இந்தப் பிரதேச செயலகப் பிரிவில் வாழ்துவருகின்றனர்.

அரசின் பிராந்திய பிரதிநிதியாக செயல்படும் பிரதேச செயலகம், பிறப்பு முதல் இறப்பு வரை ஒரு குடிமகனின் ஒவ்வொரு தேவையையும் பூர்த்தி செய்யும் பணியில் முன்னோடியாக உள்ளது.

மேற்படி பணியை  மேற்கொள்வதில், இலங்கை நிர்வாக சேவையின் Iம் வகுப்பைச் சேர்ந்த அதிகாரியொருவர் பிரதேச செயலாளராகவும் அதே சேவையின் IIIம் வகுப்பைச் சேர்ந்த அதிகாரியொருவர் உதவி பிரதேச செயலாளராகவும் கணக்கியல் விடயங்களுக்கான கணக்காளராக இலங்கை கணக்கியல் சேவையின் அதிகாரியொரும், இலங்கை திட்டமிடல் சேவையின் அதிகாரியொருவர் மேம்பாட்டுப் பணிகளுக்கான உதவி இயக்குநராக (திட்டமிடல்)வும், நிறுவன விவகாரங்கள் மற்றும் நிர்வாக விவகாரங்களுக்கான நிர்வாக அதிகாரியொரும், கிராம அலுவலர்களின் நிர்வாக விவகாரங்களுக்கான நிர்வாக கிராம அலுவலர் ஒருவரும் என  போபே பொத்தல பிரதேச செயலகத்தின் மொத்த ஊழியர்கள் இருநூற்று தொண்ணூற்று ஆறு பேர் இப்பணியை செவ்வனே நிறைவேற்றுகின்றனர்.

நிறுவனத்தின் பரிணாமம்நிறுவனத்தின் பரிணாமம்காலியில் உள்ள கடவஸ்சதர பிரதேச வருவாய் அலுவலகம் (DRO),அதன்  சேவையை எளிமையாக்குவற்காக 1974 ஆம் ஆண்டு போப் பொத்தல , அக்மீமன என இரண்டாக பிரிக்கப்பட்டது. 44 கிராம் உத்தியோகத்தர் பிரிவுகளைக் கொண்ட போப் பொத்தல உதவி அரசாங்க அதிபர் அலுவலகம், அந்த நேரத்தில் அப் பகுதியில் ஒரு கொடை வள்ளலான திரு. எச்.டபிள்யு. அமரசூரியவுக்குச் சொந்தமான வீட்டில் நிறுவப்பட்டது. நீண்ட காலம் சிவில் சேவையில் பணியாற்றிய ஓய்வுபெற்ற அமைச்சின் செயலாளரான விஜயானந்த எல்லாவல, உதவி அரசாங்க அதிபராக கடமையாற்றினார்

1972 முதல் பணியாற்றிய பிரதேச செயலாளர்கள்

இப்போது வரை